Blog

Општината да организира редовни спортски турнири и бесплатни рекреативни активности за сите генерации.

Проектот подразбира организација на летни концерти, театри на отворено, уметнички изложби и книжевни вечери во локалните културни домови или јавни простори.

Проектот предвидува поставување на видеонадзор на клучни локации, замена на старото осветлување со ЛЕД-светилки и подобрување на пешачките премини.

Проектот ќе вклучи поставување нови контејнери за селекција на отпад, воведување редовен распоред за собирање смет.

Проектот предвидува изградба на најмалку едно игралиште во секоја населба, со современа опрема, безбедносни подлоги, огради и осветлување.

Проектот вклучува засадување нови дрвореди по улиците, реконструкција на постоечките паркови и изградба на нови зелени оази во урбаните населби.

Да се уреди влезот на Демир Капија со ознаки „Добре дојдовте во Демир Капија“. Проектот предвидува реконструкција на дотраени патишта, поставување нови тротоари.

Отворање советувалишта со психолози и психотерапевти, програми за поддршка на младите, жени жртви на семејно насилство и лица во социјален ризик.

Адаптација на јавните објекти и установи со пристапни рампи, лифтови и тактилни патеки за лица со инвалидитет.

Формирање мобилни екипи составени од социјални работници и здравствени асистенти кои ќе ги посетуваат старите и болни лица во нивните домови.

Отворање мали здравствени пунктови во руралните средини со присуство на медицински тим еднаш или двапати неделно.

Општината ќе отвори дневни центри за лица со попреченост каде ќе добиваат стручна поддршка, образовни и креативни активности.

Формирање општинска служба за поддршка на ранливи категории граѓани: едношалтерски систем за информации за права, документи и услуги.

Ќе се обезбеди еднократна парична помош за семејства погодени од елементарни катастрофи со средства од буџетот на општината.

Ќе се обезбеди училиштен прибор за деца од основно и средно образование од загрозени семејства.

Ќе се подготви студија за јавно-приватно партнерство и ќе се бара инвеститор за изградба на современ регионален центар за стари лица.

Ќе се изврши реконструкција на постоечкиот Дом за пензионери во Демир Капија.

Ќе се подобрат условите за престој во градинката, со цел зголемување на капацитетот за 20 нови деца.

Ќе се организира волонтерско движење за бесплатни услуги, хуманитарна поддршка и собирање средства за ранливи категории.

Ќе се организираат акции за собирање облека, храна и покуќнина за социјално загрозените лица во соработка со здруженија, спонзори и добротворни организации.

Ќе се обезбеди надоместок за престој во градинка, бесплатно патување со меѓуградски превоз до местото на лекување и назад.

Ќе се обезбеди 50% попуст на данок на имот за семејства со ниски приходи и семејства со деца со попреченост.

Ќе се отворат подрачни канцеларии во соработка со Министерството за труд и социјална политика и Министерството за земјоделие.

Ќе се стипендираат ученици со најдобар успех и таленти од ООУ „Димче А. Габерот“.

Ќе се отвори физикална просторија во Демир Капија во соработка со Здравствен дом Неготино.

Ќе се обезбеди еднократна парична помош од 20.000 денари за младите што склучуваат прв брак.

Секое семејство ќе добие еднократна парична помош од 15.000 денари за трето дете.

Општината ќе исплаќа еднократна парична помош од 7.000 денари за секое новороденче.

Родители на деца со пречки во развојот, самохрани родители и семејства со три деца запишани во градинка ќе бидат ослободени од плаќање на надоместок за престој.

Ќе се обезбедат програми за превенција од социјални ризици во соработка со Центарот за социјални работи, училиштата и здравствените установи.

Ќе се развијат сервисни служби за поддршка и грижа за старите лица. Очекуван ефект: подобрен квалитет на живот на старите лица.

Ќе се овозможи зголемен опфат на децата во предучилишните установи преку дополнителни капацитети и олеснувања за родителите.

Отворање современ центар за младински уметнички израз – простор за музички бендови, танцови студија, фотографија, дигитална уметност и видеопродукција.

Годишен фестивал за промоција на млади таленти од општината – музичари, сликари, писатели. Настанот ќе биде во соработка со училиштата и локалните здруженија.

Општината ќе инвестира во заштита и промоција на локалните историски споменици, традиционални куќи и обичаи. Ќе се создаде дигитален каталог со информации и фотографии.

Отворање општински културни центри каде младите ќе имаат можност за учење музика, сликарство, театар и фотографија. Центрите ќе нудат работилници и за возрасни.

Воспоставување годишен календар на културни настани: концерти, фестивали, изложби, книжевни вечери. Општината ќе ги поддржува локалните културни друштва и уметници.

Формирање општински фонд кој ќе доделува грантови за поддршка на локалните клубови.

Изградба на мултифункционални спортски игралишта во секое рурално населено место – за фудбал, кошарка, одбојка.

Реконструкција на постоечките и изградба на нови мини спортски сали во сите основни училишта.

Ќе се организира ликовна колонија со учесници од Македонија и регионот која ќе стане традиционална.

Ќе се изгради модерна фонтана на плоштадот во Демир Капија.

Ќе се организираат традиционални манифестации: Св. Трифун, Денови на руселии и Денови на традиционална храна и занаети.

Ќе се уредат простории за промоција на орнитолошка поставка со природни реткости и етнолошка галерија.

Ќе се уредат локалитетите Маркови кули, Кале-Стрезов Град и Црквишта во Демир Капија и с. Корешница.

Ќе се збогати фондот на музејот со нови надворешни поставки.

Ќе се организира постојана музејска збирка збогатена со артефакти преку археолошки истражувања во општината.

Ќе се организираат фолклорни концерти и манифестации за негување на традиционалните ора и песни.

Ќе се уреди галериски простор со постаменти за изложби на уметници, ликовни колонии и фотографски поставки.

Ќе се организираат трибини, акции и програми за подигнување на свеста кај младите за штетноста од алкохол, цигари и дрога.

Општината ќе ги поддржува спортските друштва и ќе организира турнири во мал фудбал и натпревари.

Ќе се изгради отворен простор со справи за калистеника (склекови, вратило, дипови, чучњеви и др.).

Ќе се изгради модерен аквапарк со атракции за деца и возрасни.

Ќе се изградат детски катчиња со спортски реквизити во Демир Капија, с. Корешница, с. Бистренци и с. Чифлик.

Ќе се доизгради фудбалското игралиште, со цел да се овозможат подобри услови за спорт и натпревари.

Ќе се постават информативни табли и ќе се обележат патеки за планинарење во Демиркаписка Клисура и околните планини.

Ќе се изгради камп за спортски активности, рекреација и екоедукација на младите, туристите и учениците.

Ќе се изгради мал екокамп со спортски содржини и можности за рекреација во природа.

Ќе се организираат спортски кампањи и активности за промоција на физичката активност кај младите и возрасните генерации.

Ќе се изгради патека за трчање и велосипедизам која ќе биде достапна за сите граѓани и рекреативци.

Општината ќе поддржува семејства кои сакаат да развијат мал туристички бизнис преку адаптација на сопствени домови.

Создавање веб-портал со интегрирани информации за туристички услуги, настани и можности за резервација.

Означување и уредување на планинарски и велосипедски патеки, уредување на патека до ККК Просек.

Годишен фестивал кој ќе ги обедини локалните културни друштва, музичари, уметници и занаетчии.

Креирање на гастрономски патеки кои ќе ги поврзуваат локалните ресторани, винарии и производители на традиционална храна.

Развој на мобилна апликација со интерактивна мапа на туристички атракции: културни споменици, природни убавини, ресторани, хотели.

Формирање на локално туристичко биро кое ќе нуди информации за сите туристички атракции.

Ќе се уредат маркирани рути, via ferrata, ќе се постави безбедносна опрема и ќе се организираат фестивали и меѓународни натпревари.

Ќе се рехабилитира патот, ќе се изградат панорамски платформи и екопикник зона.

Ќе се постави безбедносно осветлување, платформи и информативни зони, како и едукативни тури за млади и за истражувачи.

Ќе се маркираат патеки до Просек, Стрезов Град и средновековните цркви, ќе се постават информативни табли.

Ќе се постави платформа за параглајдери на одобрената локација во Просек.

Ќе се изградат бунгалови, рекреативни платформи и содржини за лов и риболов по течението на реката Бошава.

Ќе се поддржи организирањето на манифестации како „Св. Трифун“, турнир во мал фудбал „Св. Богородица“ и други.

Ќе се изградат спортски терени, ќе се постави урбана опрема и ќе се уреди просторот.

Ќе се уреди зоната со платформи, паркови и природни акумулации на вода.

Ќе се уреди и промовира вински пат што ќе ги поврзе лозарите, производителите на вино, винариите, Музејот на виното и угостителските капацитети.

Ќе се маркираат и уредат пешачки и велосипедски патеки со поставување табли и оградување.

Ќе се изработи гастро водич и мапа со информации и понуди за ресторани, хотели и винарии во Демир Капија и околината.

Ќе се изработи веб-портал и база на податоци за промоција на туристичките потенцијали на Демир Капија.

Субвенции за поставување зелени кровови и вертикални градини на јавни и приватни згради.

Замена на целото јавно осветлување со енергетски ефикасни ЛЕД-светилки, со можност за паметно управување.

Субвенционирање на домаќинства и мали бизниси за поставување соларни колектори и фотоволтаични панели на покривите.

Формирање општинска програма за повторна употреба на материјали, како на пример: дрво, метал, текстил и пластика од јавните установи ќе се собираат и повторно ќе се користат.

Изградба на современи центри за селекција и рециклирање на отпад, како и воспоставување мобилни пунктови за собирање на отпад од домаќинства.

Воведување на систем за одржливо управување со јавниот простор: изградба на мали екопаркови, поставување контејнери за селекција на отпад и организирање општински „зелени акции“.

Ќе се воспостави партнерство со граѓански здруженија за трајно и системско решение на проблемот со кучињата скитници. Очекуван ефект: зголемена безбедност на граѓаните, хумано и одржливо решавање на проблемот со кучињата скитници и почиста урбана средина.

Ќе се интензивира соработката меѓу Подрачната единица на противпожарна заштита – Неготино, ЈП Македонски шуми – Демир Капија, Доброволното противпожарно друштво и надлежните институции. Очекуван ефект: зголемена координација, подобро превенирање и побрзо справување со пожари и природни непогоди.

Ќе се изврши професионализација на доброволното противпожарно друштво во Демир Капија преку зголемување на бројот на кадар и обезбедување најсовремена опрема за справување со пожари. Очекуван ефект: поголема ефикасност при интервенции, побрза реакција и намалување на последиците од пожари.

Ќе се спроведат мерки за заштита на дел од речното корито на реката Бошава што поминува низ Демир Капија, како и на пороите во с. Корешница и во с. Бистренци. Очекуван ефект: намалување на ризикот од поплави, заштита на имотот и животите на граѓаните и подобра контрола на водотеците.

Создавање на специјализирана општинска канцеларија која ќе подготвува и аплицира со проекти директно до европските фондови (за: инфраструктура, енергетика, култура, образование). Очекуван ефект: дополнителни средства во буџетот, нови проекти без дополнителен товар за граѓаните, европеизација на локалниот развој.

Организација на годишна манифестација со културни, едукативни и спортски настани посветени на европските вредности – работилници за младите, проекции на европски филмови, изложби и дебати со амбасадори и европски експерти. Очекуван ефект: приближување на европските вредности до граѓаните, зголемена свест за европската перспектива, позитивна енергија во заедницата.

Општината ќе воспостави пријателства и партнерства со општини од земјите членки на ЕУ преку т.н. (twinning) твининг програми. Ќе се реализираат заеднички проекти во областа на: културата, туризмот, образованието и животната средина. Очекуван ефект: размена на искуства, модерни практики во локалното управување, нови можности за граѓаните (ученички размени, културни настани, заеднички европски проекти).

Општината ќе поддржува локални невладини организации со мали грантови и обуки за подготовка на европски проекти. Ќе се организираат работилници за пишување апликации за Erasmus+, Horizon и други ЕУ програми. Очекуван ефект: јакнење на граѓанскиот сектор, зголемен број на успешни ЕУ проекти, директни придобивки за младите и граѓаните.

Воведување европски практики во работата на општинската администрација – транспарентност, отчетност, јавни консултации и учество на граѓаните во креирање на политики. Ќе се применуваат европски кодекси за добро управување. Очекуван ефект: поефикасна и транспарентна администрација, поголема доверба на граѓаните во институциите.

Формирање на локален информативен центар за ЕУ кој ќе обезбедува информации за европските програми, фондови и можности за финансирање. Центарот ќе биде отворен за: граѓани, компании, училишта и невладини организации. Очекуван ефект: подобрена информираност на граѓаните, зголемен број апликации за ЕУ фондови, поголема интеграција на општината со европските текови.

Општината ќе отвори фонд во кој училиштата ќе можат да аплицираат со свои мали проекти – на пример: опремување училници, спортски активности, културни манифестации или дигитални иновации. Средствата ќе се распределуваат транспарентно преку јавни повици.Очекуван ефект: зголемена иницијативност кај училиштата, подобрени образовни услови според реалните потреби на учениците.

Реконструкција на општинските училишта со замена на старата столарија, поставување термоизолација, соларни панели и ЛЕД-осветлување. Општината ќе користи европски фондови и јавни повици за финансирање. Очекуван ефект: намалени трошоци за енергија, подобра еколошка свест кај учениците, подобрени услови за учење.

Секое училиште ќе има своја веб-платформа со објавени наставни програми, активности, финансиски извештаи и комуникација со родителите. Очекуван ефект: транспарентност во работењето на училиштата, поголема доверба на родителите, активно учество на заедницата.

Воведување модерни училишни кујни и програма за здрава исхрана. Ќе се користат локални производи за да се поттикне домашното земјоделство. Очекуван ефект: подобрено здравје на децата, едукација за здрави навики, поттик за локалните земјоделци.

Реконструкција на училишните дворови со модерни игралишта, спортски терени и зелени површини, достапни и за граѓаните во попладневните часови. Очекуван ефект: повеќе простор за спорт и рекреација, поголема социјална поврзаност во заедницата.

Воведување психолошка поддршка и советувалишта во училиштата, со тимови кои ќе работат со учениците на теми како ментално здравје, превенција од насилство и дигитална безбедност. Очекуван ефект: безбедна и здрава средина за децата, превенција на негативни појави, поддршка за родители и наставници.

Инвестиции во континуирана едукација и професионален развој на наставниците преку: обуки, студиски посети во ЕУ и програми за усовршување нови наставни методологии. Очекуван ефект: мотивирани и компетентни наставници, повисок квалитет на наставата, подготвеност за современи предизвици.

Формирање општински фонд за стипендии за ученици и студенти од социјално загрозени семејства, како и за талентирани ученици во науката, уметноста и спортот. Очекуван ефект: еднаков пристап до образование за сите, поддршка за најсиромашните, развој на талентите.

Модернизација на сите основни и средни училишта со нова училишна опрема, паметни табли, лаборатории за природни науки и информатика, како и спортски сали. Општината ќе обезбеди редовно одржување и енергетска ефикасност на објектите. Очекуван ефект: поквалитетно образование, подобрени услови за учење, конкурентност со европските стандарди.

Општината ќе обезбеди училишни униформи за децата од ООУ „Димче Ангелов – Габерот“ од прво до петто одделение. Очекуван ефект: еднаквост меѓу учениците, развивање на чувство на припадност и дисциплина, како и финансиска олеснување за родителите.

Ќе се изгради сензорна соба во просториите на ООУ „Димче Ангелов – Габерот“ во Демир Капија, како и во училиштата во руралните средини. Овие простори ќе бидат опремени со современи дидактички средства и помагала за сензорна стимулација. Очекуван ефект: подобрен воспитно-образовен процес за децата со посебни образовни потреби, зголемена инклузија и подобрување на психофизичкиот развој.

Поддршка за изградба на нови домови според концептот „зелена архитектура“ – енергетска ефикасност, соларни панели, системи за собирање дождовница и рециклирање на отпад. Очекуван ефект: намалени трошоци за домаќинствата, модерни и здрави услови за живеење, европски изглед на општината.

Реконструкција на локалните патишта и улички во селата, поставување на улично осветлување и подобрување на канализациската и водоводната мрежа. Очекуван ефект: намалување на разликите меѓу руралните и урбаните средини, подобри услови за живот во селата, спречување на иселување.

Изработка на нови урбанистички планови кои ќе ги следат принципите на одржливост и европски стандарди – енергетски ефикасни згради, зелени кровови, повеќе пешачки зони. Ќе се воспостави јавна дигитална база на урбанистички планови достапна за секој граѓанин. Очекуван ефект: порамномерна и планска урбанизација, транспарентност во урбанизмот, подобра средина за живеење.

Претворање на запуштени површини во модерни јавни паркови, детски игралишта и фитнес-зони на отворено. Во секоја населба ќе се обезбеди најмалку едно рекреативно катче достапно за сите генерации. Очекуван ефект: поквалитетен живот на граѓаните, здрави навики, социјална интеграција на младите и семејствата.

Изградба на велосипедски патеки кои ќе ги поврзат клучните делови на општината (училишта, јавни институции, центар, спортски терени). Ќе се засадуваат зелени појаси долж патеките и ќе се постави улично ЛЕД-осветлување за безбедност. Очекуван ефект: промоција на здрав живот, намалување на употребата на автомобили, подобра животна средина.

Воведување еколошки јавен превоз – електрични минибуси кои ќе сообраќаат на релации меѓу населбите и центарот на општината. Дополнително, ќе се воведе дигитална апликација за следење на возниот ред во реално време. Очекуван ефект: намалување на загадувањето, поевтин и достапен превоз за граѓаните, современ систем на мобилност.

Општината во соработка со државата ќе инвестира во реконструкција и проширување на регионалните патишта кои ја поврзуваат со соседните општини и градови. Очекуван ефект: побрз транспорт на луѓе и стоки, подобрена поврзаност на локалните производители со пазарите, намалување на сообраќајни несреќи.

Ќе се постави хоризонтална и вертикална сообраќајна сигнализација на сите улици и патишта. Очекуван ефект: зголемена безбедност на сообраќајот и намалување на ризикот од несреќи.

Ќе се постави урбана опрема, билетарница, чекална, тоалети и зеленило околу автобуската станица. Очекуван ефект: модерен изглед, поголема удобност и функционалност за патниците.

Ќе се обезбеди редовно одржување на локалната патна мрежа. Очекуван ефект: подолг животен век на патиштата и континуирана безбедност во сообраќајот.

За подобро сообраќајно поврзување на автопат М1 (Е-75) со регионален пат R1 102, Демир Капија.

Ќе се реконструираат улиците ,,Партизанска“(крак), ,,Радњанска“, ,,Димитар Влахов“, дел од ,,Борис Кидрич“, улици во населбата ,,11 Октомври“, реконструкција на улиците „4-ти јули“ и улицата „8-ми март“. Очекуван ефект: подобрена локална инфраструктура, побезбедни и модерни улици.

Ќе се асфалтираат улици во: с. Бистренци, с. Корешница, с. Чифлик и с. Прждево. Очекуван ефект: подобрен сообраќај, полесно движење и модерен изглед на селата.

Ќе се реконструира дел од патот во должина од 3,2 км. Очекуван ефект: подобра патна инфраструктура и олеснет пристап за жителите.

Ќе се реконструира патот во должина од 4,5 км. Очекуван ефект: подобрен пристап и побрза врска меѓу населените места.

Ќе се реконструира патот во должина од 21 км, во прва фаза изградба на систем за атмосферски води и постелица. Очекуван ефект: подобра поврзаност на населените места и зголемена безбедност.

Ќе се реконструира дел од патот Демир Капија – железничка станица Клисура во должина од 1 км. Очекуван ефект: подобрен пристап и побезбедно движење кон железничката инфраструктура.

Ќе се изврши партерно уредување во сите села на територијата на општината. Очекуван ефект: убаво уредени јавни простори и подобрена слика на населените места.

Ќе се изградат и уредат тротоари во централното подрачје на Демир Капија, на ул. „Партизанска“, како и во с. Корешница и с. Бистренци. Очекуван ефект: зголемена безбедност на пешаците и современ изглед на населените места.

Ќе се изградат атмосферски канализации за одведување на атмосферските води во Демир Капија и населените места. Очекуван ефект: заштита од поплави и побезбедна урбана средина.

Ќе се доврши канализацијата во: Демир Капија, Корешница, Бистренци, Дрен и Чифлик. Очекуван ефект: целосна канализациска покриеност на населените места и заштита на природата од загадување.

Ќе се изгради нова канализациска мрежа. Очекуван ефект: здравствено побезбедна животна средина и современи услови за жителите.

Ќе се изгради нова фекална канализациска мрежа.

Ќе се изврши санација на постоечката каптажа за вода.

Ќе се изгради нова каптажа и резервоар за вода.

Ќе се изврши санација на доводниот цевковод од каптажа до резервоарот.

Ќе се доведе вода по гравитационен пат до постоечкиот резервоар, со што ќе се напушти снабдувањето од бунари.

Ќе се доведе вода по гравитациски пат до постоечкиот резервоар, со цевковод во должина од 8 км.

Ќе се изгради централен систем за греење со биомаса и ќе се постават фотоволтаични панели на училишните и јавните објекти.

Ќе се уреди просторот околу амбулантата со пешачки патеки, клупи, осветлување и зеленило.

Ќе се спроведат мерки за контрола на водотеците и спречување на порои во Демир Капија и Корешница.

Ќе се исчисти речното корито од наносен материјал, ќе се уреди крајбрежјето и ќе се засади ново зеленило.

Ќе се чистат дивите депонии во речното корито на реката Бошава, Челевечка Река и пороите во Корешница, Бистренци и Прждево.

Ќе се одржуваат постоечките паркови и ќе се изградат нови зелени површини во општината и околните села.

Ќе се организираат трибини и дебати за примарна селекција на комуналниот отпад и ќе се вклучат сите населени места во организирано собирање.

Ќе се унапреди собирањето, селектирањето и изнесувањето на сметот од градот и населените места со воведување нова опрема.

Ќе се санира и ревитализира просторот каде што се наоѓа постоечката депонија според сите стандарди и нормативи.

Ќе се изработат урбанистички планови за с. Дрен, с. Прждево, с. Корешница и с. Бистренци.

Ќе се урбанизираат нови простори за изградба на лесна и незагадувачка индустрија, зони за спорт и рекреација.

Создавање дигитална платформа за вклучување на граѓаните во донесување на одлуки: онлајн анкети, јавни консултации.

Воведување на дигитална платформа за општински услуги, со можност граѓаните да аплицираат за документи од дома.

Воспоставување на отворен податочен систем каде што сите општински податоци ќе бидат јавно достапни преку онлајн платформа.

Во соработка со телекомуникациските оператори, општината ќе иницира проширување на оптичката мрежа до сите населени места.

Општината ќе воспостави мрежа на бесплатен јавен безжичен Интернет на повеќе точки на клучни локации.

Општината ќе отвори програма за поддршка на претприемачки иницијативи во руралните средини.

Општината ќе обезбеди поддршка за женско претприемништво преку обуки, грантови и олеснет пристап до кредити.

Формирање на дигитален центар во кој ќе се собираат стартапи и ученици/студенти кои работат на дигитални решенија.

Општината ќе организира месечни базари за промоција и продажба на локални земјоделски, занаетчиски и гастрономски производи.

Формирање локален центар каде што младите инженери, занаетчии и претприемачи ќе можат да развиваат мали проекти за соларна енергија.

Во Општината ќе се воспостави програма за обука и менторство на земјоделци и мали производители.

Општината ќе воведе програма за поддршка на занаетчиите преку субвенции за алати и опрема.

Ќе се изработи стратешки документ со анализа на потенцијалите на општината.

Општината ќе обезбеди објект со канцелариски простор, интернет, правна и сметководствена помош за новоформирани фирми.

Во општината ќе се отвори мултифункционален центар кој ќе ги поврзува средните училишта, факултетите и локалните компании.

Општината ќе формира специјален фонд кој ќе обезбедува грантови и менторска поддршка за млади претприемачи.

Ќе се подобри соработката на земјоделците со граѓански организации и консултантски куќи за полесно аплицирање на проекти.

Ќе се обезбедат поволни услови за инвестирање во изградба на погони за преработка на земјоделски производи.

Ќе се изгради систем за наводнување преку Дошничкиот и Бесвичкиот канал, кој ќе обезбеди стабилно снабдување со вода за земјоделските површини.

Ќе се реконструираат повеќе полски патишта на територијата на општина Демир Капија за да се овозможи полесен пристап на земјоделците до нивните обработливи површини.

Ќе се создаде база на податоци со информации за пазарот, социо-економските карактеристики на општината и расположливите ресурси.

Ќе се обезбеди бесплатен оброк и курсеви по странски јазици за децата од социјално ранливи категории.

Секое дете што ќе започне во прво одделение ќе добие еднократна парична помош – 5.000 денари, а исто така сите првачиња ќе добијат бесплатен училиштен прибор и ранчиња.

Ќе се реализираат проекти за подобрување на претприемничките вештини во соработка со државни институции и експерти.

Во соработка со музеи и истражувачки екипи ќе се развијат археолошки тури за посетители заинтересирани за историјата и културното наследство на Демир Капија.

Ќе се организираат тури за истражување на природните убавини на Демир Капија, со развој на спелео-туризам и авантуристички тури.

Ќе се вложува во подобрување на водоснабдувањето и одведувањето на отпадни води во селата: Корешница, Бистренци, Дрен, Чифлик, Драчевица, Барово и Клисура.

Ќе се реконструираат улиците во селата: Корешница, Бистренци, Прждево, Чифлик и Дрен со современа асфалтна подлога и улична инфраструктура.

Ќе се изработи техничка документација за секундарна гасоводна мрежа за градот Демир Капија и дел од населените места.

Обезбедување материјал (гребен асфалт) за проодни места во с. Драчевица, с. Копришница и патот кој ги поврзува Депанданс – Бесвица – Барово.

Изградба на автобуска постојка/станица (кабина) и уредување на просторот со урбана опрема, билетарница, чекална и тоалети.

Подобрување на условите за престој на деца во предучилишна возраст во ЈОУДГ „Борис Трајковски“ во Демир Капија, со цел зголемување на капацитетот за 20 деца.

Одбележување на велосипедски патеки во централното градско подрачје од обиколницата до градскиот парк покрај реката Бошава.

Организација на манифестација за празникот Св. Богородица, со намера да стане традиционална.

Отворање амбуланта за примарна здравствена заштита во руралните средини: с. Корешница, с. Бистренци и с. Прждево.

Промоција на традицијата и на алтернативниот туризам со обезбедени лиценцирани туристички водичи.

Изградба на сувенирница во склоп на винскиот музеј, која ќе нуди сувенири и брошури.

Изградба на фонтана на градскиот плоштад.

Мапирање на кампинг-зони.

Мапирање и изградба на три паркинг-зони.

Отворање дневен центар за лица со попреченост.

Уредување на градска депонија и пункт за одведување на цврст отпад.

Изградба на спортско игралиште за љубителите на мал фудбал.

Асфалтирање на улици во с. Бистренци, с. Корешница, с. Чифлик и с. Прждево.

Изградба на мост од с. Бистренци до сепарацијата на Гранит, што ќе овозможи економски, сообраќаен и социјален развој.

Покривање на градскиот пазар во Демир Капија.

Надградба на водоводни системи во с. Бистренци и Барово.

Решавање на проблемот со водоснабдување во с. Корешница и с. Прждево.

Подобрување на водоснабдувањето во Бесвица.

Реконструкција на улици во Дрен.

Фекална канализација во Дрен.

Подобрување на водоснабдувањето во Дрен.

Реконструкција на локален пат во Челавец.

Доизградба на канализациска мрежа во Чифлик.

Уредување на просторот кај споменикот во Чифлик.

Подобрување на водоснабдувањето во Прждево.

Реконструкција на улици во Прждево.

Фекална канализација со пречистителна станица во с. Прждево.

Уредување на постоен спортски терен во Бистренци.

Подобрување на водоснабдувањето во Бистренци.

Реконструкција на улици во Бистренци.

Реконструкција на училишно спортско игралиште и фудбалско игралиште во Корешница.

Изградба на рекреативен парк за деца во Корешница.

Реконструкција на селска чешма во Корешница.

Подобрување на водоснабдување во Корешница.

Реконструкција на улици во Корешница.

Реконструкција на ул. „Радњанска“.

Изградба на тротоари на ул. „Првомајска“.

Изградба на Дом за стари лица во општината.

Реконструкција на ул. „Димитар Влахов“ и „4 Јули“.

Изградба на тротоари на ул. „Партизанска“.

Замена на секундарна мрежа на водоводниот систем на сите улици вкрстени со ул. „Партизанска“.

Поставување соларни панели на сите јавни институции во општината.

Поставување фитнес-опрема во паркот во општината.

Доизградба на фудбалското игралиште во Демир Капија.

Изградба на авантуристички парк во општината.

Изградба на јавни тоалети во општината.

Набавка на опрема за кинопроекции во општината.

Реконструкција на училишното спортско игралиште во општината.

Поставување сензорна соба во основното училиште.

Довршување на проектот за училишна кантина во општината.

Санација на сите оштетени улици во општината.

Изградба на пристапни рампи на сите јавни површини и во јавните институции.

Цела Демир Капија да биде опфатена со изградба на атмосферска канализација.

Проектот „Рекреативен парк во с. Корешница“ создава безбеден и модерен простор на 3.000 м² со детски реквизити, фонтана, клупи и патеки, за игра, рекреација и социјализација на сите возрасти.

Проектот има цел создавање уреден, зелен и атрактивен простор за рекреација и одмор. Ќе се постават патеки, клупи, декоративни елементи и осветлување.

Проектот создава функционален и безбеден простор на околу 3.000 м² за паркирање автомобили во централното подрачје на Демир Капија. Планирани се асфалтирани површини, ознаки за паркинг-места и осветлување.

Проектот ја адаптира напуштената зграда на Македонски железници во модерен простор за младите, со технологија, мебел и пристапност, обезбедувајќи едукација, креативни работилници и културни настани.

Проектот предвидува воспоставување современ систем за видеонадзор што ќе обезбеди зголемена безбедност и заштита на јавните простори во Општина Демир Капија. Системот ќе вклучува мрежа од висококвалитетни камери на одредени локации.

Проектот има цел значително да ја подобри пристапноста до селата и индустриските зони на Општина Демир Капија. Патиштата до селата Челевец, Клисура, Прждево и Корешница ќе се реконструираат и асфалтираат.

Проектот има цел да обезбеди предучилишна едукација, здравствена и психосоцијална грижа за деца од семејства во социјален ризик. Програмата ќе вклучува обезбедување бесплатна храна, училишен прибор и индивидуални менторски сесии.

Проектот има цел да обезбеди поддршка и подобрување на квалитетот на животот кај повозрасните лица од Општина Демир Капија. Центарот ќе нуди дневен престој, здравствена контрола и организирани социјални активности.

Проектот предвидува уредување на крајбрежјето на реката Бошава со цел создавање современа и пријатна рекреативна зона за сите граѓани на општината. Со овој проект се предвидува развој на патеки за пешачење и велосипедизам, поставување урбана опрема и озеленување на просторот.

Проектот предвидува воспоставување систем за производство на електрична енергија од обновливи извори, пред сè, преку поставување фотоволтаични панели и можност за користење мали хидропотенцијали. Оваа инвестиција ќе придонесе за долгорочно намалување на трошоците за електрична енергија.

Проектот предвидува изградба на современа, интерактивна off-road патека за велосипедисти и мотори на територијата на Општина Демир Капија, со интеграција на паметни технологии и екоодржливи решенија. Патеката ќе биде приспособена за различни нивоа на корисници и ќе вклучува екоосветлување со соларни панели.

Проектот ќе има директно влијание врз зголемувањето на квалитетот на јавниот превоз, безбедноста на патниците и привлекување повеќе туристи. Со модерната инфраструктура се очекува намалување на сообраќајниот хаос во централното подрачје и зголемена ефикасност на превозот.

Проектот предвидува изградба на нова, современа автобуска станица во Општина Демир Капија за подобрување на јавниот превоз.

Проектот предвидува заштита на подрачјето на Демиркаписката Клисура и реката Вардар.

Проектот предвидува изградба на современа пречистителна станица за отпадни води во централното градско подрачје на Демир Капија.

Проектот предвидува инсталирање на мерни станици за смарт-земјоделство за подобрување на агрономските практики.

Проектот вклучува развој на екотуристички патеки и качувачки локалитети за поттикнување на туризмот.

Проектот предвидува набавка на контејнери за селекција на отпад за подобрување на управувањето со отпадот.

Проектот вклучува уредување на паркот по крајбрежјето на реката Бошава, вклучувајќи зелени површини и урбана опрема.

Проектот вклучува изградба на каптажа за дополнително водоснабдување во село Дрен.

Проектот предвидува реконструкција на каптажа во село Бесвица за подобрување на водоснабдувањето.

Проектот вклучува адаптација на простор во детска градинка и набавка на опрема во село Корешница.

Проектот предвидува целосна внатрешна реконструкција на Домот на културата и просториите на општината.

Проектот вклучува адаптација и пренамена на училиште во Центар за ран детски развој во село Бистренци.

Проектот предвидува целосна реконструкција на училиштето во село Прждево за подобрување на условите за образование.

Проектот предвидува реконструкција и надградба на Домот на културата за подобрување на културните активности.

Проектот вклучува реновирање на повеќенаменска сала и набавка на музичко-сценска опрема.

Проектот предвидува реконструкција на Музејот на виното за подобрување на условите за изложба и посета.

Проектот вклучува означување и мапирање на 10 патеки за планински велосипедизам и пешачење, како и уредување на качувачки локалитет.

Проектот предвидува изградба на фудбалско игралиште во првата фаза, со цел да се подобрат условите за спорт и рекреација во општината.

Уредување на паркот покрај реката Бошава со нови пешачки патеки и зелени површини.