Blog

Целта е да преминеме од општина со седиште во село, во општина со седиште во град, со изградена урбана физиономија и функционално средиште на населените места.

Подобрување и модернизација на јавното осветлување на подрачјето на целата општина со поставување ЛЕД-светилки и нови канделабри.

Нови инвестиции во гасификација значат воспоставување гасификациски систем во општината, изградба и поставување гасификациска инфраструктура за стопанските објекти.

Враќање и заживување на традиционалните манифестации, заживување на општинските библиотеки, поддршка на уметници и заживување на киносалата со филмска програма и театарски претстави.

Со проектот се предвидува изградба на патна обиколница во јужниот дел на Општината, во локалните економски зони на потегот Автопат А2 - Илинден - Марино - Кадино - Автопат А2, А4.

Изградба на заобиколна улица, сообраќајница за одвивање на сообраќајот на тешки товарни возила, пат што поминува околу населените места.

Изградба на современ аутлет мол со вотерленд, хотелски капацитети, простор за кампинг возила, трговски дуќани и ресторани.

Интегрирано и одржливо управување и третман на комуналниот отпад; рекултивација и ревитализација на деградиран простор (диви депонии, ѓубришта).

Континуирана изградба на фекална канализација со пречистителни станици. Воспоставувањето систем за прифаќање, третман и одведување на отпадните фекални води од домаќинствата.

Проектот има цел изградба на нов објект за детска градинка и зголемување на капацитетите за згрижување на деца од предучилишна возраст и јасли. Енергетско-ефикасен објект со капацитет за згрижување на 400 деца.

Проектот е во насока на збогатување на спортско-рекреативната содржина во општината. Со активностите ќе се реализира: Доградба на скејт-паркот, поставување на спортски и фитнес-реквизити, уредување на површина од 18.000 м2.

Изградба на нова спортска сала во дворот на подрачното Основно општинско училиште „Гоце Делчев“ Илинден и во дворот на Основното општинско училиште „Браќа Миладиновци“ во Миладиновци, со капацитет од 1 200 седишта.

Изградба на енергетско-ефикасен објект за затворен универзален базен спремен за рекреативно и професионално пливање. Предвидени се услови за деца од училишна возраст, младинци и професионални пливачи.

Изградба на ново училиште - енергетски ефикасен објект, смарт-објект. Подобри услови за одвивање и следење на наставата, подигнување на нормите, вредностите и стандардите во образованието.

Потребно е да се спроведе хуман урбанизам со резиденцијални и културни/социјални хабови.

Потребно е да се создаде чиста и здрава животна средина преку справување со загадувањето.

Потребно е да се подобри сообраќајната безбедност во општината.

Потребно е да се подобри безбедноста на граѓаните во општината.

Потребно е да се воведе модерен и лесно достапен јавен превоз за подобрување на мобилноста.

Потребно е да се расчистат дивите депонии и да се подобри комуналната хигиена.

Потребно е да се подобри одржувањето на инфраструктурата во општината, која е во лоша состојба.

Потребно е да се изградат нови детски градинки, а не само доградби и адаптации.

Потребно е да се изгради нова пречистителна станица, бидејќи постојните се запуштени и нефункционални.

Неопходно е да се изгради нова фекална канализација во повеќе населени места, бидејќи тоа е една од најгорливите потреби на граѓаните.