Blog

Промоција на Крушево како дестинација за четири сезони за привлекување на туристи и развој на локалната економија.

Набавка на теренско противпожарно возило за подобрување на безбедноста и заштитата од пожари во општината.

Поддршка на меѓународните и светските првенства во параглајдинг, како и на културните манифестации за промоција на Крушево.

Поддршка на спортските клубови, здруженијата и иницијативите на рекреативните спортски активности за развој на спортот во општината.

Поостри инспекции и казнени мерки за сопствениците на домашни животни кои несовесно ги пуштаат на јавни површини.

Зголемен буџет за третирање на кучњата скитници за подобрување на јавната хигиена и безбедноста на граѓаните.

Имплементација на проектот за Општинска корисна работа со која ќе обезбедиме помош и поддршка на старите и изнемоштените лица во нивните домови.

Ќе продолжиме со еднократна финансиска поддршка на социјално ранливите категории граѓани, со фокус на најзагрозените семејства и поединци.

Поддршка на развојот на дуалното образование во Крушево преку воспоставување партнерства со локалните бизниси за квалитетна практична обука за учениците.

Континуирано субвенционирање за сите средношколци од општината што ќе учат во СОУ „Наум Наумовски – Борче“ за да ги поддржиме младите и да ги олесниме трошоците поврзани со образованието.

Финансиска поддршка за секое новороденче во Општина Крушево, за поддршка на младите семејства.

Планирање на населба за домување во близина на поранешната фабрика Илинденка за создавање на нови стамбени капацитети.

Изградба на систем за водоснабдување на населба „Трстеник“ за подобрување на комуналната инфраструктура и условите за живеење.

Проектот предвидува урбанистичко проширување на Индустриската зона „Опаленик“ за создавање на поволно деловно опкружување и поддршка на малите и средни претпријатија.

Во „Горната училишна зграда“ ќе се опреми простор за младински центар што ќе има бројни придобивки за младите во општината. Отворањето на Младински центар во Крушево ќе овозможи подобрување на благосостојбата на младите.

Проектот се однесува на изградба на канализациски системи во населените места Алданци, Пресил, Св. Митрани, Врбоец, изградба на нови краци во с. Норово. Со изградбата на канализациските системи во населените места значително ќе ја подобриме комуналната инфраструктура.

Проектот опфаќа реконструкција на подрачните училишта во руралните населби, со цел подобрување на условите за образование.

Проектот опфаќа трасирање на нови патеки и интеграција со постојната туристичка мрежа, со цел да се промовира Крушево како дестинација за планински велосипедизам.

Проектот предвидува изградба на нов пат до локалитетот Ручало и ново полетувалиште за параглајдеристи, со цел да се поттикне развојот на авантуристичкиот туризам.

Проектот опфаќа изградба на локален пат до манастирите, со цел да се обезбеди безбеден пристап за верниците и туристите.

Проектот опфаќа уредување на детско-рекреативни паркови во Крушево и населените места, со цел да се создадат функционални простори за деца и млади.

Проектот опфаќа подобрување на техничкото решение за кровната конструкција и обновување на фасадата, со цел создавање на функционален и хигиенски безбеден јавен простор.

Проектот предвидува зачувување на културното добро и обновување на фасадата, со цел развој на културниот туризам.

Проектот опфаќа изградба на детски рекреативен парк, пешачки патеки и поставување на „smart led“ осветлување, со цел да се создаде атрактивна локација за посетителите.

Изградба, доградба или реконструкција на улици и пешачки патеки во Крушево и населените места, со цел да се обезбеди безбеден и квалитетен пристап до дом.

Проектот се однесува на формирање градежна парцела за изградба на два терени за полетување, што ќе придонесе за зголемување на туристичката понуда.

Фазата 1 од изградбата на обиколницата се однесува на изградба на приклучоци и делови од обиколницата околу Крушево, со цел унапредување на инфраструктурата и подобрување на квалитетот на животот.

Целта на овој проект е да се создаде одржлив, ефикасен и еколошки систем што ќе го третира отпадот како ресурс, а не како проблем.

Проектот опфаќа систем за примарна и секундарна селекција на отпадот, со воспоставување центар за управување со отпадот и чистење на дивите депонии.

Целосна реконструкција на пумпната станица во с. Норово за водоснабдување на градот Крушево, со замена на застарена опрема.

Проектот се однесува на реконструкција и доизградба на водоводната мрежа во Крушево, со цел да се обезбеди сигурен и квалитетен доток на вода.

Реконструкција и модернизација на спортските терени на Гумење и во населените места, со финансиска и логистичка поддршка за спортски клубови.

Отворање Младински центар како простор за креативно изразување, соработка и менторство, со финансиска поддршка за локални културни настани.

Континуирана поддршка на истакнати ученици и социјално ранливи категории, финансиска поддршка за секој запишан ученик во СОУ „Наум Наумоски – Борче“ и поддршка за дуално образование.

Најголем приоритет ќе биде обезбедување чиста и здрава животна средина, со ефикасно управување со отпадот и редовно одржување на јавните простори. Ќе се спроведат акции за чистење и пошумување.

Ќе продолжиме да работиме на создавање функционален и безбеден јавен простор, со акцент на сообраќајната безбедност и подобрување на сообраќајната култура. Ќе изградиме паркинг-простори и ќе регулираме сообраќајот во централното градско подрачје.

Санирање на браната на езерото за подобрување на безбедноста.

Модернизација на уличното осветлување во општината.

Развој на центар за параглајдинг со полетувалишта и паркинзи.

Изградба на нови детски игралишта во општината.

Реконструкција на постоечката спортска сала за подобрување на спортските активности.

Обезбедување на поддршка за ранливи категории во општината.

Реновирање на училишта за подобрување на условите за образование.

Изградба на нови резервоари за питка вода во општината.

Реконструкција на патот до Крушевско Езеро и повеќе улици во Крушево и селата.

Изградба на нови доводни цевководи за подобрување на водоснабдувањето во општината.