Blog

Ќе воведеме дигитална јавна интернет-алатка за пријавување, следење и решавање на проблеми од ингеренции на ЕЛС и ЈКП.

Опремување на јавни простори (автобуски постојки) со електронски полначи и интернет-мрежа.

Обезбедување ново возило за собирање отпад, нови контејнери и унапредување на состојбата со селекција на отпад.

Обезбедување нови теренски возила за потребите на секторот за урбанизам и ЈП.

Засадување нови шумски насади во околината на населените места и континуирано пошумување.

Опремување на објект за детска градинка (во фаза на изработка).

Субвенционирање на здрава храна со воведување бесплатен оброк за секое дете во градинките и училиштата.

Модернизација на двете основни училишта во општината со нивно целосно опремување со ИТ опрема.

Формирање на интегрирана туристичка мапа на општина Чешиново-Облешево и културно-информативен сервисен центар за развој на туристичките капацитети.

Отворање етно-музеј опремен со реквизити и стари работи кои се одлика на животот на нашето поблиско и подалечно минато.

Реставрирање и конзервирање на стари објекти (цркви и манастири) во населени места кои го покажуваат културното историско наследство.

Поддршка на спортски манифестации на територијата на општината (ИСИ Чешиново, турнири во одбојка и мал фудбал).

Субвенционирање и поддршка на постоечки и формирање на нови спортски клубови во општината.

Помош и поддршка за невладини здруженија при реализација на проекти од интерес на локалната заедница.

Субвенции за ранливи категории граѓани: инвертер-клими, топлински пумпи и велосипеди.

Средношколски и студентски стипендии за вклучување ученици во општински проекти преку активно учество во креирање проекти и програми.

Еднократен детски додаток за секое новородено дете.

Ослободување од комунални давачки за прва нова куќа за брачни парови до 40 години.

Субвенционирање на стари занаетчиски професии и дуќани во општината.

Проект за доуредување на постоечката индустриска зона и создавање нови можности за развој на локални бизниси.

Формирање на стручен земјоделски совет и земјоделски институт за ориз.

Изработка на проектна документација за земјени зафати на водотеци од Плачковица.

Изработка на проектна документација за изградба на туристички рекреативен центар кај фазанерија Чифлик.

Ќе биде изградена пречистителна станица во Чифлик по фази, во тековна реализација.

Доградба на канализацијата во Облешево, Спанчево, Бање, Соколарци, Чешиново, Чифлик, Улараци, Кучичино.

Проектна документација, потребни дозволи и нов зафат за површински води и нови бушотини во Теранци, Соколарци, Жиганци, Спанчево за подобрување на постоечкиот систем.

Асфалтирање на улици во села Спанчево, Соколарци, Бање, Облешево, Жиганци, Улараци, Чешиново, Кучичино, Бурилчево, Чифлик, Теранци, Новоселани во вкупна должина од околу 20 км.

Подготвителни активности и изработка на проект за отварање на приклучна точка на експресниот пат Штип–Кочани кај Соколарци.

Чистење, реконструкција и одржување на одводен канал во Бање, Спанчево, Соколарци, Чешиново и Улараци.

Изработка на проектна документација и почеток со градба за канализација за Теранци, Бурилчево и Жиганци, и доградба на канализација за Облешево, Чифлик, Кучичино, Улараци, Бање и Чешиново.

Подготвителни активности, изработка на техничка документација и почеток со градба на проект за снабдување со вода за пиење и реконструкција на цевковод за Облешево, Чифлик, Чешиново и Улараци.

Подготвителни активности, геомеханички испитувања, изработка на техничка и проектна документација за изградба на пат кој ќе ги поврзува регионалниот пат и мостот кај Теранци со експресниот пат Штип-Кочани.