Blog

Изградба на современа велосипедска патека со енергетски ефикасно осветлување и уредено излетничко место кај реката Шемница.

Континуирана поддршка на турнирот во мал фудбал во Могила и финансиска помош за меѓународниот „Еден на Еден Могила Куп“.

Финансиска поддршка за изградба на соблекувални и помошни простории на спортските терени во Мусинци, Трновци, Беранци и Вашарејца.

Изградба на ново повеќенаменско игралиште во село Мусинци, како и реконструкција на игралиштата во Дедебалци, Српци, Беранци, Ивањевци и Добрушево.

Изградба на нова спортска сала во дворот на ОУ „Кочо Рацин“ во село Ивањевци.

Отворање на постојан изложбен простор за археолошки и етнолошки експонати од територијата на Општина Могила.

Финансиска поддршка за фолклорните друштва и здруженија во кои учествуваат деца и млади од општината.

Организација на богата новогодишна програма од Општината и обезбедување бесплатни новогодишни пакетчиња за сите деца од претшколска возраст и од основно образование.

Финансиска поддршка за организирање и одржување на црковни собири во сите населени места.

Финансиска и логистичка поддршка за културната манифестација „Меѓугенерациски спој“ што се одржува на плоштадот во Могила.

Поддршка на Фестивалот на пејачи аматери во Добрушево, со цел промоција на локални таленти и зачувување на музичката традиција.

Финансиска поддршка за Фестивалот на дуети „Константин и Елена“ – единствен од ваков тип во Македонија.

Општината ќе поддржува семејства што сакаат да развијат мал туристички бизнис преку адаптација на сопствени домови.

Означување и уредување на планинарски и велосипедски патеки, изградба на видиковци и информативни табли за природните убавини.

Развој на мобилна апликација со интерактивна мапа на туристички атракции: културни споменици, природни убавини, ресторани, локални производи.

Формирање на локално туристичко биро што ќе нуди информации за сите туристички атракции, сместувања, ресторани и културни настани.

Уредување на излетнички и рекреативни зони покрај реки, со клупи, маси, патеки за пешачење и простори за огништа.

Поддршка за локалните ресторани и кафеани да понудат традиционални јадења и производи како дел од туристичката атракција.

Организација на годишни фестивали за традиционална музика, ракотворби и локални производи.

Изградба на туристички комплекс „Етно-село“ преку јавна промоција и привлекување инвеститор.

Инсталација на информативни табли и патокази кон верските локалитети во општината.

Уредување на дел од кејот и речното корито на Шемница, со изградба на излетничко место опремено со клупи и маси за одмор и рекреација.

Поставување на крст на кружниот тек во центарот на Могила, како и изградба и осветлување на крстови на централни локации во населените места.

Замена на целото јавно осветлување со енергетски ефикасни ЛЕД-светилки.

Формирање општинска програма за повторна употреба на материјали: дрвото, металот, текстилот и пластиката од јавните установи ќе се собираат и повторно ќе се користат.

Набавка на трактор, мулчер, поткаструвач на гранки, канти и контејнери за подобро управување со отпадот.

Ангажирање на лица од социјални категории и домаќинства со ниски примања за одржување на јавните простори.

Отстранување на дивите депонии низ општината и чистење на одводните канали во соработка со „Водостопанство – Битолско Поле“.

Уредување и редовно одржување на паркови и зеленила, пошумување и садење дрвореди.

Воведување на системи за селекција и рециклирање на отпадот, редовни акции за чистење и подигање на еколошката свест кај граѓаните.

Изградба и одржување на јавни тоалети во Могила, Добрушево и на други локации со поголема фреквенција на луѓе.

Обезбедување субвенции за граѓаните за соларни панели, енергетски ефикасни клима-уреди и реновирање фасади со термоизолација.

Комуналното претпријатие „Пела Хигиена“ ќе врши редовно чистење и одржување на улиците.

Создавање на специјализирана општинска канцеларија која ќе подготвува и аплицира со проекти директно до европските фондови.

Организација на годишна манифестација со културни, едукативни и спортски настани посветени на европските вредности.

Општината ќе воспостави пријателства и партнерства со општини од земјите членки на ЕУ.

Општината ќе поддржува локални невладини организации со мали грантови и обуки за подготовка на европски проекти.

Воведување европски практики во работата на општинската администрација – транспарентност, отчетност, јавни консултации.

Формирање на локален информативен центар за ЕУ, кој ќе обезбедува информации за европските програми, фондови и можности за финансирање.

Општината ќе отвори фонд, на кој училиштата ќе можат да аплицираат со свои мали проекти.

Реконструкција на општинските училишта со замена на старата столарија, поставување термоизолација, соларни панели и ЛЕД-осветлување.

Секое училиште ќе има своја веб-платформа со објавени наставни програми, активности, финансиски извештаи и комуникација со родителите.

Воведување модерни училишни кујни и програма за здрава исхрана.

Реконструкција на училишните дворови со модерни игралишта, спортски терени и зелени површини.

Воведување психолошка поддршка и советувалишта во училиштата, со тимови што ќе работат со учениците на теми како ментално здравје.

Формирање општински фонд за стипендии за ученици и студенти од социјално загрозени семејства.

Модернизација на сите основни училишта со нова опрема, паметни табли, лаборатории за природни науки и информатика.

Доделување на еднократна стипендија за секој студент во прва година кој завршил средно со одличен успех.

Организација на бесплатни обуки за наставниците во соработка со акредитирани едукативни центри.

Осовременување и опремување на кабинетите во училиштата за подобри услови за практична и лабораториска настава.

Секој ученик од IV одделение во целата општина ќе добие бесплатен таблет за училишни потреби.

Општината ќе ја зголемува финансиската поддршка за првачиња секоја година.

Ќе се воведе проект за бесплатен оброк за учениците, спроведуван етапно.

Учениците првенци на генерација ќе добиваат парични ваучери кои свечено ќе им бидат доделувани на Денот на Општина Могила – 12 септември.

Во мултинаменскиот објект во центарот на Могила ќе се отвори едукативен центар за дополнителна настава по математика, англиски, германски јазик и други предмети.

Поставување на фотоволтаици на покривите на ОУ „Кочо Рацин“ – Ивањевци, ОУ „Браќа Миладиновци“ – Добрушево и на спортската сала „Иљо Лопатички“ во Могила.

Ќе се изврши реконструкција и енергетска санација на училиштата во Могила, Мусинци, Трновци и во Дедебалци.

Создавање дигитална платформа за вклучување на граѓаните во донесување одлуки.

Воведување дигитална платформа за општински услуги, со можност граѓаните да аплицираат за документи од дома без чекање.

Воспоставување на отворен податочен систем каде што сите општински податоци ќе бидат јавно достапни.

Во соработка со телекомуникациските оператори, Општината ќе иницира проширување на оптичката мрежа до сите населени места.

Општината ќе воспостави мрежа на бесплатни јавни точки со безжичен Интернет на клучни локации.

Воведување електронски систем за плаќање на локалните даноци и комуналните сметки.

Развивање систем за јавен увид во Буџетот на Општината, тековните и идните проекти.

Формирање електронски портал со информации за субвенции, конкурси, јавни повици и совети за земјоделците.

Воспоставување дигитална платформа за предлози, анкети и јавни расправи.

Изработка на мобилна апликација „Мојата Могила“ преку која граѓаните ќе можат да добиваат известувања, да пријавуваат проблеми.

Општината ќе отвори програма за поддршка на претприемачки иницијативи во руралните средини.

Општината ќе обезбеди поддршка за женско претприемништво преку обуки, грантови и олеснет пристап до кредити за мали семејни фирми и домашни бизниси.

Формирање на дигитален центар во кој ќе се собираат стартапи и ученици/студенти што работат на дигитални решенија.

Општината ќе организира месечни базари за промоција и продажба на локални земјоделски, занаетчиски и гастрономски производи.

Формирање локален центар каде што младите инженери, занаетчии и претприемачи ќе можат да развиваат мали проекти за соларна енергија.

Во Општината ќе се воспостави програма за обука и менторство на земјоделци и мали производители.

Општината ќе воведе програма за поддршка на занаетчиите преку субвенции за алати и опрема.

Ќе се изработи стратегиски документ со анализа на потенцијалите на општината.

Општината ќе обезбеди објект со канцелариски простор, Интернет, правна и сметководствена помош за новоформирани фирми.

Општината ќе формира специјален фонд што ќе обезбедува грантови и менторска поддршка за млади претприемачи, ученици и студенти.

Изградба на зелен пазар каде што локалните производители ќе можат директно да ги пласираат своите производи.

Создавање поволности за инвеститорите што ќе отворат преработувачки капацитети за земјоделски и прехранбени производи.

Општината ќе работи на подобрување на туристичката понуда преку организирање културни и туристички настани.

Формирање на младински волонтерски клуб, кој ќе учествува во локални акции и активности за заедницата.

Организација на настани за поддршка на женското претприемништво, со цел афирмација на нови деловни идеи и развој на претприемнички вештини кај жените.

Општината ќе вложува во програми за едукација и професионално насочување на младите.

Општината ќе воспостави програми за вклучување на дијаспората во локалниот економски развој.

Со цел привлекување инвеститори, Општината ќе воведе пакет олеснителни мерки.

Општината ќе продолжи со целосно уредување на индустриската зона „Петилеп“.

Поддршка за изградба на нови домови според концептот „зелена архитектура“ – енергетска ефикасност, соларни панели, системи за собирање дождовница и рециклирање на отпад.

Изработка на нови урбанистички планови што ќе ги следат принципите на одржливост и европски стандарди.

Претворање на запуштени површини во модерни јавни паркови, детски игралишта и зони за фитнес на отворено.

Изградба на велосипедски патеки што ќе ги поврзат клучните делови на општината (училишта, јавни институции, центар, спортски терени).

Воведување еколошки јавен превоз – електрични минибуси што ќе сообраќаат на релации меѓу селата и центарот на Општината.

Општината во соработка со државата ќе инвестира во реконструкција и проширување на регионалните патишта што ја поврзуваат со соседните општини и градови.

Обележување на пешачки премини со современи материјали, подобрување на хоризонтална и вертикална сигнализација, поставување лежечки полицајци и светлосни обележувачи, особено во близина на училишта и големи раскрсници.

Уредување на кејот на реката Шемница со излетничко место, маси и клупи за одмор; уредување на речното корито во Ивањевци; изградба на пешачка патека до ОУ „Кочо Рацин“ во Ивањевци.

Поставување на водопоилки за стока во Мојно, нови автобуски постојки во сите населени места, санација и изградба на селски чешми во Будаково и во Мојно.

Реконструкција на објектите на месните заедници во Дедебалци, Трап, Лознани, Вашарејца, Трновци и во Ношпал; ставање во функција на старата општинска зграда во Добрушево; преадаптација на училишните згради во Мојно и Вашарејца.

Уредување на паркинг-простор кај црквата „Св. Богородица“ во Мусинци, асфалтирање на улица и изградба на скали до црквата во Вашарејца, поддршка за изградба на црква во Алинци и реновирање на црковни простории и капели каде што има потреба.

Санација и тампонирање на полските патишта со поставување пропусти и мовчиња во сите населени места секоја година.

Изградба на тротоари во населените места по должина на регионалниот пат од Ношпал до Дедебалци и од Трновци до Ивањевци, како и во селата Трап и Будаково.

Изградба и пробивање на локалниот пат Српци – Ивањевци и реконструкција со проширување на патот Радобор – Чарлија.

Партерно уредување на влезот во општината со зеленило, канделабри и дрворед, веднаш пред надвозникот.

Изградба на атмосферски канали во Српци, Беранци и во Трновци, како и доизградба на атмосферската канализација во Трап и во Будаково.

Изработка на проектна документација за изградба на фекална канализациска мрежа во селата Ношпал, Трновци, Мусинци и Дедебалци.

Изградба на нова канализациска мрежа во овие населени места, со современ систем за одведување на отпадните води.

Изградба на главен доводен цевковод долг 24 километри за снабдување со вода за девет села.

Континуирана санација и асфалтирање на локалните улици во сите населени места во текот на следните четири години.

Изградба на зелен пазар и поддршка за локална преработка на земјоделските производи.

Уредување на зелени површини, изградба на паркови и воведување систем за рециклирање и управување со отпад.

Адаптација на постојни простории во нови детски градинки во поголемите населени места и рекреативни катчиња во сите населени места.

Обнова и модернизација на спортскиот стадион со нова трибина, осветлување и помошни терени.

Изградба и реконструкција на водоводни и канализациски системи во сите населени места на Општината, со поставување нови резервоари и пречистителни системи.

Целосно уредување и ставање во функција на индустриската зона „Петилеп“ како центар за мали и средни претпријатија, со инфраструктурна поддршка и услови за нови инвестиции.