Blog

Поддршка за воведување на редовни пешачки и велосипедски патроли.

Формирање на градски совет за безбедност, кој ќе ја координира соработката помеѓу Градот и Министерството за внатрешни работи.

Вработување на сите пожарникари на неопределено време, соодветно на нивниот труд и ризик.

Спроведување на јавен повик за вработување согласно меѓународните стандарди за број на пожарникари по жител.

Набавка на стандардизирана и квалитетна заштитна опрема, униформи и термичка заштита.

Отстранување на дотраените и небезбедни возила постари од 30 години.

Набавка на современи, специјализирани противпожарни возила (урбани, теренски, за височини).

Градежно прилагодување на влезовите на јавните згради за непречен пристап.

Целосна пристапност на главните улици и јавни установи (банки, здравствени домови, училишта, спортски сали, библиотеки, паркови).

Поставување 3D принт копчиња во лифтовите за лица со оштетен вид.

Звучни сигнали на сите раскрсници за слепите лица.

Дневен центар со сензорна соба и дидактички материјали за деца со аутизам.

Отворање дневни центри за лицата со попреченост со дополнителен стручен кадар.

Формирање на посебен солидарен фонд за еднократна интервентивна помош во случаи на моментален ризик (незгода, смрт, болест и сл.).

Обезбедување на училишни пакети за учениците од социјално ранливи семејства.

Поставување на WiFi клупи во парковите низ градот.

Даночни олеснувања за угостителски објекти кои овозможуваат оброк за бездомни или социјално загрозени лица.

Бесплатни тренинзи по спортски дисциплини, часови по танцување, музика и цртање за деца од социјално загрозени семејства.

Организирање на народни кујни во соработка со локалното население и локалните бизниси.

Пронаоѓање трајни решенија за згрижување на бездомниците.

Континуирани обуки за преквалификација и дофаклификација на невработените лица во градските простории.

Воведување програма за заштита од „енергетска сиромаштија“ (субвенционирање на долговите за вода и комуналии на сиромашните семејства).

Служба 24/7 за помош и нега на стари и изнемоштени лица кои живеат сами или немаат кој да се грижи за нив.

Поддршка за основање и одржување на пензионерски клубови.

Иницијатива за соработка со Министерството за локална самоуправа за изградба на „Младински куќи“ – културно-уметнички задруги.

Левица во мандатот од 2025 до 2029 година ќе овозможи платена пракса за студенти.

Вработување на поголем број високообразован стручен кадар во градинките, со цел непречена можност за двосменско работење.

Отворен повик за идеи – еднаш годишно граѓанин може да предложи културен проект кој градот ќе помогне да се реализира.

Културни советници од заедницата: Волонтери од различни општини кои даваат повратна информација за културните потреби на терен.

Граѓански буџет за култура – дел од културниот буџет (на пример 10%) се одлучува преку јавно гласање: граѓаните предлагаат и гласаат за идеи.

Годишна награда за „Културен мецена на годината“ – за бизниси кои инвестират во култура.

Кампања „Купи локално уметничко дело“– поврзување на граѓани и компании со локални уметници.

Уметнички NFT пазар за македонски креатори – градот како партнер во изградба на дигитална галерија.

Уметност + технологија хакатони: Иновативни викенд-манифестации за креација на културни технолошки решенија (апликации, игри, дигитални изложби).

Скопје XR (Extended Reality) проект: Поддршка за уметници кои работат со виртуелна реалност (VR), проширена реалност (AR) и интерактивни медиуми.

Енергетска ефикасност во културните институции: преуредување со соларни панели и термоизолација.

Културни простори на отворено: користење на паркови, кровови, напуштени простори како алтернативни сцени.

Културни градини: заеднички зелени простори (во запуштени дворови, покриви или бетонски платоа) каде ќе се одржуваат мали настани, читања, изложби.

Стриминг платформа за локални театрални и музички настани, достапна за граѓаните што не можат физички да присуствуваат.

Дигитална архива на скопски културни проекти – отворен пристап за истражувачи, новинари, ученици.

Онлајн платформа „Културно Скопје“ – календар со сите настани, онлајн билети, мапи.

Програми за социјално загрозени и маргинализирани групи – културни активности во ромски населби и сл.

Пристапност за лица со попреченост: сите културни објекти да имаат пристап за лица со хендикеп.

Ноќ на културата во Скопје – еднаш годишно, цел град станува сцена: Библиотеки, барови, улици и кина отворени до полноќ.

Финансиска и логистичка поддршка за локални фестивали: Звукот на Скопје, Македонија, Здраво млади, АртАреа…

Соработка со светски културни институти за споделени програми.

Училишна културна недела: секоја година во мај – сите училишта организираат театар, музика, ликовни изложби и настани отворени за јавноста.

Програма „Млад куратор“: млади од средни училишта и факултети да куратат изложби, концерти и настани.

Граѓански културни совети: во секоја општина – жители предлагаат и гласаат за културни настани што ќе се организираат во нивната околина.

Фестивали на нови медиуми, урбана култура и улична уметност.

Грантови за млади креативци и стартапи во културата.

Скопје арт хаб: Центар за современа уметност, дизајн, музика, видео, архитектура – креативен кластер со студија, СКОПЈЕ – ИСТОРИСКИ И КУЛТУРЕН ПАМЕТНИК.

Резиденции за уметници со простории и логистичка поддршка за локални и странски уметници кои ќе творят во Скопје.

Фонд за независна култура со годишен буџет за поддршка на независни уметници, здруженија и културни работници преку транспарентни конкурси.

Мобилна сцена: патувачка сцена (театар, кино, концертна сцена) за културни настани по населби, паркови и училишта.

Мини културни центри во сите скопски општини со свои програми (работилници, театарски претстави, изложби).

Уметност во јавен простор – скулптури, мурали и спомен-обележја, што раскажуваат за вистинската историја на градот.

Обновување на Старо Скопје: Фокус на занаетчиски дуќани, традиционална музика, занаети и гастро-култура.

Интерактивна дигитализација на музејски и архивски содржини со достапни онлајн за ученици и граѓани.

Скопје културен викенд – месечна програма за промоција на локална култура, историски тури, музика, улична уметност и гастрономија.

Итно отворање на туристички бироа, сувенирници, печатење на културни водичи и мапи со културни знаменија на Град Скопје и организирани тури за туристи.

QR-код табли на културни објекти на повеќе јазици, поврзани со веб-страници и аудио-водичи.

Креативни летни школи: Писателски работилници, филмски кампови, џез школи, во соработка со локални ментори.

Партнeрство со училишта за вклучување на локални уметници во образовниот процес.

Културна карта за млади: Бесплатен или намален влез во театри, музеи, галерии, фестивали.

Градски културен магацин – централизирана база на техничка опрема (светло, звук, сцена) што би се позајмувала за независни културни настани.

Откуп или долготрајно изнајмување на празни објекти (стари кина, фабрики, магацини) и пренамена во културни простори.

Фонд за реновирање на општински домови на културата, со однапред утврдени критериуми и буџети.

Мапирање и ревитализација на заборавени културни локации (бивши домови на култура, објекти од значење).

Левица афирмативно ќе ги подржува сите културни настани кои го симболизираат животот во Скопје.

Во периодот од 2025 до 2029 година ќе се реализира проект „Културно-Историска Читанка“ кој ќе се однесува на Старата скопска чаршија.

Обновување на спомен одбележјата во градот од НОБ.

Реализирање на проект за ревитализација на фонтаната Лотосов цвет како архитектонска порта за влез во Градски парк.

Ќе се уреди паркот Жена борец со обновување на фонтаната со спомен обележјето на децата бегалци од егејскиот дел на Македонија.

Поставување на кровни фотоволтаични системи за сопствено производство на електрична енергија во средните училишта во град Скопје.

Целосно чистење на сите речни корита на територија на град Скопје од тврд и кабаст отпад и доизградба на пречистителна станица за отпадни води.

Целта на проектот е поставување на климатски отпорни, иновативни автобуски, железнички и монорел станици низ територијата на градот Скопје.

Целта на овој проект е ревитализација на јавниот простор на Градскиот плоштад во Скопје преку враќање на традиционалниот Цветен пазар и воспоставување зони за антикварници и книжари.

Целта е да се донесе посебен Закон за Водно, со кој оваа планинска маса ќе добие највисок степен на правна заштита.

Целта на проектот е создавање на Парк на технологијата, интегриран простор за стручно образование, иновации и практична настава за ученици од средни стручни училишта.

Проектот има за цел ревитализација на Скопската Зоолошка Градина со еколошки пристап и трансформација во Центар за заштита на локален биодиверзитет.

Проектот има за цел воведување на автоматизиран систем за самочистење на улиците и булеварите во Скопје со користење на вградени прскалки.

Проектот има за цел стручна анализа и проектирање на нови, одржливи алтернативни капацитети за водоснабдување, со фокус на потенцијалот на Врело и Патишка Река.

Проектот предвидува изградба на нова енергетски ефикасна административна зграда за администрацијата на Град Скопје, на локацијата на постојните бараки на бул. Илинденска.

Проектот „Безбедни пешаци“ има за цел зголемување на безбедноста на пешаците во Скопје преку поставување на копчиња за активирање на сигнализација на фреквентни пешачки премини.

Проектот предвидува создавање на континуирана рекреативна пешачка зона долж кејот на реката Вардар, од Ѓорче Петров до Долно Лисиче. Оваа зона ќе овозможи одржлива урбана врска помеѓу населбите и спорт и рекреација за сите генерации.

Целта на проектот е изградба на современ младински дом во општина Чаир, инспириран од моделот на поранешните пионерски домови. Домот ќе служи како центар за неформално образование, културни активности и развој на креативни вештини.

Проектот предвидува целосно довршување на бул. Борис Трајковски до влезот на населеното место Драчево, со цел подобрување на проточноста, безбедноста и урбаниот развој во јужниот дел на градот Скопје.

Проектот предвидува изградба на повеќе кружни текови на клучни локации низ Скопје, со цел подобрување на проточноста, намалување на метежот и зголемување на безбедноста во сообраќајот.

Проектот предвидува воспоставување на директна и безбедна сообраќајна врска помеѓу населеното место Матка во општина Сарај и скопската обиколница. Ова поврзување ќе го подобри пристапот до туристичката зона Матка.

Целта на проектот е изградба на втор сообраќаен влез во населеното место Даме Груев во општина Ѓорче Петров, како и формирање на директна сообраќајна врска помеѓу руралниот дел на Ѓорче Петров и урбаниот дел на општина Карпош.

Проектот предвидува изградба на современа мултифункционална спортска сала со капацитет од 4.000 седишта во Општина Ѓорче Петров. Објектот ќе биде наменет за спортски натпревари, тренинзи, културни манифестации и јавни собири.

Проектот има за цел довршување на бул. Хрватска како завршен сегмент од сообраќајниот прстен на градот Скопје. Булеварот ќе го поврзе бул. Босна и Херцеговина со бул. Србија, воспоставувајќи директна, брза и безбедна врска помеѓу источниот и југоисточниот дел на градот.

Проектот има за цел подобрување на снабдувањето со вода во урбаните и руралните подрачја, вклучувајќи урбаниот дел на Ѓорче Петров и селата Љубанци и Љуботен. Предвидена е изградба на резервоари, водоводни мрежи и пумпни станици.

Проектот има за цел целосно уредување на просторот околу скопскиот Аквадукт, како и формирање на пешачки и рекреативен центар во неговата непосредна близина. Аквадуктот ќе добие културна, образовна и туристичка функција преку оформување на историски базар и тематски простор.

Проектот има за цел воспоставување на современ, ефикасен и безбеден сообраќаен коридор што го поврзува „East Gate Mall“ со влезот на Старата скопска чаршија, преку зоната кај ТЦ Мавровка. Посебен акцент се става на реорганизација на крстосницата со кружен тек помеѓу булеварите Крсте Мисирков и Гоце Делчев.

Проектот има за цел целосно завршување на клучното сообраќајно решение на бул. Никола Карев, во сегментот кој се наоѓа во непосредна близина на касарната Илинден. Овој потег претставува стратешки дел од источниот влез во градот и е неопходен за поврзување на северните и централните делови на Скопје.

Долгорочна заштита, унапредување и ревитализација на Скопското кале како континуирана туристичка и културна зона.

Трансформација на постојниот СРЦ Кале во современ пливачки спортски центар со специјализирани базени и модерен аквариум.

Реконструкција на фонтаната „Лотосов цвет“ со задржување на нејзиниот автентичен изглед, за враќање на нејзината функција како симбол на градот.

Изградба на модерен Луна парк на местото на постојниот, нефункционален парк, и обнова на ботаничката градина во рамки на Градскиот парк.

Формирање на голем урбан парк во северниот дел на градот, во непосредна близина на новиот Скопски саем, како зелен појас за одмор и рекреација.

Изградба на модерен и достапен Скопски саем во северниот дел на градот, со цел економски развој и нова платформа за бизнис, култура и јавни настани.

Три главни линии со електрични мини-бусови на 10 минути, поврзувајќи урбана и периферна скопска зона.

Проект за комбиниран јавен превоз во град Скопје, кој вклучува железнички и автобуски превоз на кратки релации со електрични автобуси.

Основа за брза врска низ градот со траса од приближно 20 км и клучни станици во важни урбани зони.

Интегрирана и урбанизирана железничка линија со модернизација на колосек и перони, адаптирање на станици и интеграција со системот на јавниот превоз и билетирање.

Носење на Генералниот Урбанистички План – ГУП кој ќе овозможи технички издржани решенија за хуман развој на Град Скопје. Одолговлекувањето со носењето на ГУП овозможува лесен терен за освојување на „урбанистичката мафија“. Урбаното дивеење и бетонизацијата на градот ќе се спречи со носењето на ГУП-от.