Просторен план на Република Северна Македонија 
– Нацрт план 
292 
речните сливови, како составен дел на плановите за управување,
 
· Подготовка и имплементација на правната рамка за заштита на резервоарите од 
седиментација, 
· Забрана и ограничувања за сечење на дрвја и грмушки и забрана за напасување на 
добиток, 
· Забрана за отстранување на земја, песок, чакал и камен во рамките на ерозивно 
подрачје. 
Пожари на отворен простор 
Мерките за намалување на појавата на пожари на отворен простор припаѓаат на две 
главни категории, превентивни и оперативни. Истите се поврзани со добро владеење и 
управување со земјиштето, што подразбира креирање на соодветна законска рамка и систем 
за над зор и инспекција на нејзиното спроведување. Во посебните ресори (шумарство, 
земјоделие и др.) се подразбира воведување на одржливи пристапи во одгледувањето на 
растителните култури преку воведување на нови видови и иновативни технологии.
 
Исто така, тука се вбројуваат и мерките за процена на ризикот, подготовки за одговор, 
во смисла на развој на потребни човечки и материјално технички ресурси, обуки и вежби на 
оперативните структури итн. Во суштина сите мерки треба да се планираат и спровед
уваат 
во организиран и координиран меѓу ресорски пристап во кој ќе бидат вклучени сите 
релевантни чинители кои имаат примарни и секундарни надлежности во системот за 
намалување на ризикот од пожари на отворен простор. 
Земјотреси 
Мерките за намалување на сеизмичкиот ризик вклучуваат повеќе пристапи кои 
можат да се прилагодат со цел да се минимизираат штетите на индивидуално ниво и на ниво 
на заедници. Генерално може да се дефинираат два типа на мерки и тоа: 
 
Мерките за намалување на сеизмичкиот ризик пред земјотрес
 со кои се 
минимизираат негативните ефекти од земјотрес со комбинација од конструктивни и 
неконструктивни мерки. 
Конструктивните мерки вклучуваат: 
· Прописи за асеизмичко проектирање на нови објекти, и 
· Ретрофит на сеизмички неотпорни постоечки објекти со особен акцент на објектите 
од критичната инфраструктура. 
Неконструктивните мерки вклучуваат: 
· Полиси за осигурување од земјотрес, 
· Обезбедување на инвентарот во објектите, 
· Систем за мониторинг и предвидување, и 
· Соодветна регулатива која се однесува на урбанистичко планирање во сеизмички 
активни области и сл. 
Мерките за намалување на штети по земјотрес
 вклучуваат планирање на 
активности во случај на катастрофа и активности за обнова и враќање во нормала. Ризикот 
може да се намали со повеќе технички решенија наменети за намалување на повредливоста 
на конструкциите: 
