<<<PAGE_START {"PDF_PAGE":338,"PDF_LABEL":null,"METHOD":"native","REVIEW_REQUIRED":false,"SOURCE_PDF_SHA256":"543728e01b65fb92a6187f51db802eb3e312fa6c9f217a3bb204be095386fdc2","SOURCE_LINK":"plan.pdf#page=338"}>>>
            Просторен план на Република Северна Македонија  – Нацрт план


         · Проценката на ризикот која опфаќа определување (квантитативно или квалитативно)
      на вредноста на ризикот поврзан со конкретната појава,

         · Воспоставување на систем за мониторинг и рано предупредување за појавата на
       суша,

         · Зајакнување на капацитетите за управување со суши на индивидуално, регионално и
      институционално ниво,

         · Инкорпорирање на прашањата поврзани со сушите при управувањето во
       земјоделството, водостопанството и шумарството,

         · Развој на научно истражувачки проекти и образовни програми,

         · Полиси за осигурување во случај на појава на суша.

Конструктивните мерки  вклучуваат:

         · Реконструкција и модернизација на постојните системи за наводнување,

         · Изградба на нови системи за наводнување со голема ефикасност на наводнувањето,

         · Воведување на нови сорти на земјоделски производи отпорни на суша.

Мерките после појавата на сушата (реактивните) главно вклучуваат:

         · Проценка на штетите од влијанието на настанот,

         · Надоместување на штетите на погоденото население.

      Снежни наноси, лавини и луњи

       За заштита и спасување од лавини, особено значајни се превентивните мерки. Тие
опфаќаат:

        - Одржување на постојна и засадување на нова високостеблеста вегетација, за
      намалување на енергијата и брзината на лавините;

        - Поставување на постојани и подвижни снегобрани и засадување на заштитни шумски
       појаси кај железничките пруги, каде снежните намети се зачестени;

        - Поставување на резервни фундаменти за монтажа на нови столбови ПТТ во случај на
      поголемо оштетување на постојните.

       За спречување на штети од луњи, неопходно е подигање на појас од трајна шумска
вегетација и ветробрански конструкции, особено на поголемите агрокомплекси и
сообраќајна инфраструктура.

      Со оглед на тоа што во нашата држава не е во функција системот за заштита од
градобијност, неопходно е да се преземат мерки и активности за обновување,
осовременување и подигнување на степенот на неговата ефикасност со:
         · Доопремување на МРПЦ 50 – Ѓуриште, Тополчани и Пожар,

         · Модернизација на системот на радиоврските,

         · Изградба на градежни објекти, пристапни патишта и други инфраструктурни објекти,

         · Започнување на производство на градобијни ракети,

         · Обезбедување и оспособување на специјализиран стручен кадар,




50 Метеоролошко -радарски -противградобијни центри (МРПЦ)


                                                                              290
<<<PAGE_END {"PDF_PAGE":338}>>>
